ات صالسه بو يكى صورتدن كنهكار اولور و پادشاهلقدن معزول اولوب اولادند ندخى سلطنت منقطع اولور زيرا خلاف قانون كندودن صادر اولدى ديرلر و ولايت خطانك اكثر شهرلرنده خاقان‌زاده‌لر ايچون انواع زيب و زينت ايله سرايلر ترتيب ايدوب ديوارلرينك يوزلرينى سرخ و سفيد و زرد و سبز و فغفورى چينىدن و جاملرينى زبرجددن ايدرلر و اول شهرك قحبه‌خانه‌لرى حاصلنى اول شهزاده‌يه تعيين ايدرلر و بعض بر كناه ايله خانلقدن عزل اولوب نسلندن سلطنت منقطع اولان خاقانلرك اولادلرندن واردر كه غايت فقير لكلرندن رنجبرلك ايله اوقات كچوررلر و قچانكه مخالفت قانون ايله بر خاقان عزل و يا بلا ولد فوت اولوب سلطنت خالى اولسه اولوقت قديم معزول اولان خاقانلرك نسلندن اكمل و افضل و ارشد و امجد لايق تخت و تاج بر خاقان‌زاده وار ايسه انى كرسى سلطنته جلوس ايتديره‌رك كنديلرينه خاقان ايديتوب خدمت و عبوديتنده دامن در ميان ايدر و خاقان ديوانه چقماق اثناسنده اطرافنده انواع سازلر چالرلر و اول نايلرك الحان غريب و سائر سازلرك اواز عجيبنه هر نفس جان تندن الوداع ايتمك استر و اول قيوس و ارغنون مثال اوازه‌لرك اثناسنده كويه اوازى كبى بر كريه طبل اوازى صادر اولور شويله كه انك استماعى كراهتندن اول سازلردن حاصل اولان ذوق و نشاط و سرور و حبورى هيج و افنا ايدر و اول طبلك زشت اوازندن خان چينه تنبيه قصد اولنور كه زنهار بو تجمل و عظمت و حشمت و ابهت مشاهده سندن سلطنته مغرور اولمه كه بونك عقيبنده موت واردر كه بو نشاط و حبورى خوار و بيمقدار ايدر و اول سراى خاقان جنته مخصوصدن كه ماسواى سراى سعادت انتماده حالنمز ارتكاب ايتسه‌لر هلاك اولورلر جون خاقان اول هيبت و عظمت ايله ديوان كيوان ايواننده تخت اژدرها نيك ملك منظرينه جلوس ايده ول دربندلرده اولان امرا و اعيان و لشكر ظفر اثرى و اطراف و جوانبدن كلان ايچى و رسوللره دخوله اجازت اولوب مرتبه‌لر نچه كروه كروه متعين اولان مكانلرينه واروب طوركلر جانب اهل اسلامدن كلنلره معزز و مكرم اولمغين تخت خاقان اوكنده ايكى اوج قدم مقدارى جميع خلقدن مقدم طوزرلر وانلرد نصكره تبت خلقى بعده قلاق بعده جو وجب بعده كروه كروه هنديلر و سائر ممالكدن كلان خلائق كروه كروه نوع نوع جنس جنس لباسلر كيوب و درلو ديللرى واردر كه ديار رومدن كلان اصلا ايشتمشدر